Əmək və Əhalinin Sosial Müdafiəsi Nazirliyinin külli miqdarda rüşvət alma ittihamı ilə həbs edilən sabiq Aparat rəhbəri Əjdər Cəbiyevin məhkəməsi yekunlaşıb.Senzor.az bildirir ki, Bakı Ağır Cinayətlər Məhkəməsinin hökmü ilə o, 8 il 6 ay müddətinə azadlıqdan məhrum edilib.
Qeyd edək ki, Əjdər Cəbiyev qulluq mövqeyindən istifadə edərək külli miqdarda dövlət vəsaitini mənimsəməkdə ittiham olunub. O, sabiq əmək və əhalinin sosial müdafiəsi naziri Səlim Müslümovla əlbir olaraq 600 min manata yaxın pulu rüşvət və mənimsəmə yolu ilə ələ keçirməkdə təqsirli bilinib.
Onu da xatırladaq ki, Ə.Cəbiyev Azərbaycan Yazıçılar Birliyinin üzvü, Əjdər Ol təxəllüsü ilə tanınan şair-publisistdir.
