Ermənistanda parlamentin müxalif “Ermənistan” və “Şərəf duyuram” fraksiyalarının təşkilatçılığı ilə aksiya keçirilib.Senzor.az bildirir ki, aksiya iştirakçıları İkinci Qarabağ müharibəsindən sonra ərazi bütövlüyünü bərpa edən Azərbayacana qarşı yenidən torpaq iddiaları ilə çıxış ediblər. Yerli KİV aksiyanın Ermənistanın baş naziri Nikol Paşinyanla Azərbaycan Prezidenti İlham Əliyev arasında çərşənbə günü Brüsseldə keçirilməsi planlaşdırılan görüş ərəfəsində təşkil edilməsini İrəvanın növbəti fiasko ilə üzləşmək ehtimalı ilə əlaqələndirir. Qeyd edilir ki, müxalifətçilər görüş zamanı Paşinyanın Azərbaycana yeni güzəştlər edə biləcəyindən ehtiyatlanırlar. .
Aksiya iştirakçıları “Nikolsuz Ermənistan”, “Nikol satqındır”, “Ermənistan, qalx” və s. şüarlar səsləndiriblər.
Aksiya iştirakçıları bəyanat da yayıblar. Bəyanatda əsasən Qarabağa yenidən iddialar əksini tapıb, Qarabağın Azərbaycanın tərkibində heç bir statusla olmamasına xüsusi “vurğu” edilib.
Mitinqdə çıxış edənlər də “nəyin bahasına olursa olsun” deyə, yenə müharibəyə çağırış ediblər.
Görünür, 44 günlük savaşda yaşananlar ermənilərə dərs olmayıb...
