Əfqanıstanın sabiq dövlət başçısı Həmid Kərzai Pəncşirdəki müqavimət qüvvələri və “Taliban” qruplaşmasını dialoqa çağırıb.
Bu barədə “Khaama Press” məlumat yayıb.
“Toqquşmaların başlamasından narahatlıq duyuram. Hər iki tərəfi problemləri dialoq yolu ilə həll etməyə çağırıram”, - o qeyd edib.
“Report” xatırladır ki, Pəncşir vilayətində Əhməd Məsud və Əfqanıstanın birinci vitse-prezidenti Əmirulla Salehin başçılığı altında ölkədə hakimiyyəti ələ keçirmiş “Taliban” qruplaşmasına tabe olmaqdan imtina edən müqavimət qüvvələri toplaşıb.
