“Vəkillər Kollegiyasına üzvlüyümün bərpası Avropa İnsan Hüquqları Məhkəməsinin 17 mart 2020-ci il tarixli qərarı ilə bağlıdır. Həmin qərara əsasən, Avropa Məhkəməsi yerli məhkəmələrin mənə qarşı çıxardığı bütün qərarları ləğv edib”. Senzor.az bildirir ki, bunu tanınmış hüquqşünas Aslan İsmayılov Vəkillər Kollegiyasına bərpa olunması barədə məlumatı şərh edərkən deyib.
A.İsmayılovun sözlərinə görə, Avropa Məhkəməsinin qərarından sonra Azərbaycan Ali Məhkəməsi işə baxaraq onu apellyasiya instansiyasına qaytarıb: “İki ildən artıq çəkən süründürməçilikdən sonra, nəhayət, mənim haqqım tanındı. Burada yeganə operativ orqan Vəkillər Kollegiyasıdır. Mənim məhkəmə hakimiyyətinə qarşı bu gün də iddialarım var".
