Qurban Osman oğlu Qurbanov “Şöhrət” ordeni ilə təltif edilib.Senzor.az bildirir ki, bununla bağlı Prezident İlham Əliyev sərəncam imzalayıb.
O, Azərbaycan futbolunun inkişafında xidmətlərinə görə təltif olunub.
Qeyd edək ki, Qurban Osman oğlu Qurbanov 1972-ci ilin bu günündə Zaqatala rayonunun Aşağı Tala kəndində anadan olub.
Futbolçu karyerası ərzində 4 dəfə Azərbaycan Premyer Liqasının, 1 dəfə Azərbaycan Kubokunun qalibi, 1 dəfə ölkə çempionatının bombardiri olub.
1992 - 2005-ci illər ərzində Azərbaycan milli komandasının heyətində 68 oyun keçirib və 14 qol vurub. Yığmanın bombardiridir. 2017-2018 illər arasında Azərbaycan millisinin baş məşqçisi olub.
2008-ci ildən "Qarabağ" klubunun baş məşqçisidir.
Onun rəhbərliyi dövründə "Qarabağ" 7 dəfə Azərbaycan çempionu, 4 dəfə ölkə kubokunun qalibi olub. Ağdam komandası daha böyük uğurlarına isə avrokuboklarda imza atıb. "Köhlən atlar" 2014/2015 mövsümündən etibarən 6 dəfə Avropa Liqasının, həmçinin Çempionlar Liqası və Konfrans Liqasının qrup mərhələsinə yüksəlib. 2021/2022 mövsümündə isə klub tarixində ilk dəfə qrup mərhələsini dəf edərək, Konfrans Liqasının pley-offuna vəsiqə qazanıb.
Yeri gəlmişkən, UEFA “Qarabağ” klubunun baş məşqçisi Qurban Qurbanovu doğum günü münasibətilə təbrik edib.
Bu barədə qurumun rəsmi sosial şəbəkə hesabında paylaşım edilib. “Uzun illərdir Qarabağ”ın baş məşqçisi olan Azərbaycan futbolunun canlı əfsanəsi Qurban Qurbanovun 50 yaşı tamam olur”, - deyə paylaşımda qeyd olunub.
🇦🇿 Многолетнему наставнику @FKQarabagh, живой легенде азербайджанского футбола Гурбану Гурбанову - 5️⃣0️⃣! 🎉#ЛигаКонференций pic.twitter.com/AEKnWTU1Qo
— УЕФА (@UEFAcom_ru) April 13, 2022
