Ukraynanın paytaxtı Kiyevdə və Kiyev vilayətində Pasxa bayramı ilə bağlı komendant saatının vaxtı dəyişdiriləcək.Senzor.az bildirir ki, bu barədə Kiyev şəhər meri Vitali Kliçko “Teleqram” səhifəsində məlumat verib.
Onun sözlərinə görə, komendant saatı aprelin 23-dən 24-nə keçən gecə saat 23:00-dan səhər saat 05:00-dək tətbiq ediləcək.
“Vətəndaşların təhlükəsizliyi və Pasxa gecəsində mümkün təxribatların qarşısını almaq məqsədilə komendant saatı tətbiq ediləcək. İbadət mərasimləri gecə onlayn şəkildə keçiriləcək”, - deyə Vitali Kliçko bildirib.
Kiyev meri vətəndaşları komendant saatı qaydalarına riayət etməyə və Pasxa bayramını təhlükəsiz şəkildə qeyd etməyə çağırıb.
