Ferqus Old Böyük Britaniyanın Azərbaycana yeni səfiri təyin olunub.Senzor.az bildirir ki, bu barədə Böyük Britaniyanın Xarici İşlər Nazirliyi məlumat yayıb.
Ferqus Oldun 2022-ci ilin avqust ayında hazırkı səfir Ceyms Şarpı əvəz edəcəyi bildirilir.
Xatırladaq ki, F.Old 2002-ci ildən 2005-ci ilədək Böyük Britaniyanın Banqkokdakı (Tailand) səfirliyində ikinci katib, 2008-2011-ci illərdə Nyu-Dehlidə (Hindistan) iqlim dəyişikliyi və energetika üzrə şöbənin müdiri, daha sonra iqlim dəyişikliyi məsələləri üzrə birinci katib, 2011-2014-cü illərdə isə Moskva şəhərində siyasi müşavir vəzifələrində çalışıb.
