Ermənistanda hakimiyyət əleyhinə aksiyalar davam edir. Yerli media bu gün müxalif fəalların, xüsusən də Respublika Partiyası üzvlərinin “Stop Nikol” şüarları ilə avtomobilli aksiyaya start verdiyini yazıb.
Qeyd edilir ki, etiraz aksiyası 100-ə yaxın avtomobilin iştirakı ilə Abovyan parkından başlayıb.
Onlar paytaxt küçələrində separatçı çağırışlar da edərək keçmiş qondarma rejimin "bayrağı"nı da qaldırıblar.
Xatırladaq ki, Respublika Partiyasının üzvləri dünən də aksiya keçirmişdilər və Avetik İsaakyanın abidəsindən hökumət binasına doğru yürüş edərək “Nikolu dayandırın” şüarları səsləndirmişdilər.
