Türkiyə Prezidenti Rəcəb Tayyib Ərdoğan 38 ildən sonra Türkiyə Super Liqasının qalibi olan “Trabzonspor”u təbrik edib.Senzor.az yerli KİV-ə istinadən bildirir ki, “Trabzonspor”un çempionluq oyununu yaxından izləyən Ərdoğan kulubun prezidenti Əhməd Ağaoğluna telefonla zəng edərək təbriklərini çatdırıb.
“Tvitter” hesabındakı paylaşımında isə Ərdoğan, “Super Liqanın 2021-2022 mövsümündə Əhməd Çalık mövsümünün çempionu olan Trabzonspor klubunu, azarkeşlərini, Trabzon şəhərini və bütün Trabzonspor ictimaiyyətini təbrik edirəm” yazıb.
Qeyd edək ki, “Trabzonspor” öz meydanında “Antalyaspor”la 2-2 heç-heçəyə imza ataraq 38 il sonra Türkiyə çempionu olub.
