Respublikanın Əməkdar artisti, bass gitara ifaçısı və bəstəkar Ruslan Hüseynov növbəti uğura imza atıb.Bu barədə senzor.az-a danışan sənətçi bir neçə gün öncə maraqlı bır musiqi rolikini təqdim etdiyini bildirib.
Əməkdar artist qeyd edib ki, dünya şöhrətli italyan bəstəkarı, aranjemançı və dirijor, həmçinin bir çox kino və televiziya verilişləri üçün bəstələdiyi musiqilərlə məşhurlaşmış Ennio Morrikonenin “Once upon a time in America” filmində səsləndirilən musiqini bass gitarada ifa edib.
Vurğulamağa dəyər ki, bu ifa musiqi tarixində bass gitarada ilk dəfə məhz R.Hüseynovun ifasında səsləndirilib. Heç bır başqa musiqi alətlərindən istifadə olunmayan videoklipdə sözügedən fılmdəki kadrlardan da istifadə olunub.Onu da qeyd edək ki, R.Hüseynov hər il Azərbaycanda keçirilən caz festıvallarında, müxtəlif dövlət tədbirlərində, habelə xaricdə çoxsaylı müsabiqələrdə iştirak edib. Bundan başqa, Əməkdar artist 2015-ci ildə Azərbaycanda ilk dəfə bass gitara üçün "In Minutes" adlı mahnı bəstələyib və həmin kompozisiya üçün də videoçarx çəkdirib.
Qabil YUSİFOĞLU
