"Dünya bazarında neftin bir barelinin qiymətinin 65-75 ABŞ dolları olması həm istehsalçılar, həm də istehlakçıları üçün rahatdır”.
“Report” xəbər verir ki, bunu Rusiyanın "LUKoil" şirkətinin prezidenti və sahibi Vahid Ələkbərov deyib.
Onun sözlərinə görə, yüksək neft qiymətləri bazar üçün çökmə riski yaradır: “Qiymətlərin 100 dollardan artıq olmasını istəməzdim. Çünki bu, aşağı gəlirli, təsirsiz layihələrə investisiyaları stimullaşdıra bilər və bazarın çökməsinə səbəb ola bilər".
"LUKoil" rəhbəri onu da bildirib ki, neftin bir barel üçün 65-75 dollarlıq dəhlizdəki qiyməti istehlakçılar üçün rahatdır və OPEC+ ölkələri həcmi tənzimləyərək onu qorumağı hədəfləyirlər.
V.Ələkbərov həmçinin hesab edir ki, tənzimləyici qurum kimi OPEC+ sazişi "əbədi yaradılıb".
