Rus hərbçiləri Ukraynanın Mariupol bölgəsində yaşayan yerli əhalini Rusiya Federasiyası ərazisinə deportasiya edirlər.
Senzor.az yerli KİV-ə istinadən bildirir ki, bununla bağlı müvafiq videonu Mariupol merinin müşaviri Petr Andryuşşenko yayıb.
“Mariupol. Biz ilk dəfədir ki, deportasiyanın necə getdiyini görürük", - Andryuşşenko sosial şəbəkələrdə paylaşdığı video haqqında yazıb.
Onun sözlərinə görə, "Metro" mağazası ərazisində avtobuslar bu məqsədlə xidmət göstərirlərr və insanların evakuasiya olunacağı elan edilir.
"Amma evakuasiya edilən sakinlər bir də avtobuslar yola düşəndə elanı eşidirlər ki, onları Novoazovski rayonunun Bezımyannoye ərazisinə aparırlar. Oradan isə Rusiyaya... Rusiya hərbçiləri və rəsmi könüllüləri ərazini tərk etmək və təxliyədən imtina etmək cəhdlərinin qarşısını alırlar", - saytlar Petr Andryuşenkoya istinadən yazıblar.
