Ermənistan müxalifətinin “Müqavimət” hərəkatı səhər saatlarından vətəndaş itaətsizliyi aksiyalarına başlayıb.
Senzor.az yerli KİV-ə istinadən bildirir ki, aksiya əvvəlcədən planlaşdırıldığı kimi, paytaxta aparan əsas yollarda - Aştarak, Arqavand, Artaşat şosesi və Sevan-İrəvan magistral yolunda avtomobil yürüşləri ilə başlayıb. Hazırda avtomobillər şəhərin mərkəzinə doğru hərəkət edir.
Qeyd edək ki, müxalifət mayın 2-dən etibarən İrəvanda baş nazir Nikol Paşinyanın istefası tələbi ilə etiraz aksiyaları keçirir. Etirazçılar yolları bağlayır, yürüşlər təşkil edərək hökumət əleyhinə radikal şüarlar səsləndirirlər.
