"Rusiyada inflyasiyanın artması Ukraynadakı əməliyyatlarla bağlı deyil".
TASS xəbər verir ki, bunu Rusiya Prezidenti Vladimir Putin Dövlət Şurasının Rəyasət Heyətinin iclasında deyib.
Putin bildirib ki, ilin əvvəlindən məcmu inflyasiya 11%-i keçib.
"Heç bir əməliyyat aparmayan Şimali Amerikada, Avropada inflyasiyaya baxsanız, bizdən də çoxdur, dəfələrlə çox", - Rusiya lideri qeyd edib.
Prezident bildirib ki, 2022-ci ilin sonuna inflyasiya 15%-i keçməməlidir.
Rusiya lideri onu da vurğulayıb ki, ümumiyyətlə, ölkə iqtisadiyyatı ekspertlərin proqnozlaşdırdığından daha yaxşı dinamika göstərir: “Rusiyalıların rifahı əsas prioritetdir. Bizdə işsizlik, Allaha şükür, artmır. Dollar kiçilir, rubl möhkəmlənir. İlin yekununda yoxsulluğun səviyyəsinin aşağı salınmasını təmin etmək lazımdır. İyunun 1-dən yaşayış minimumu 10%, minimum əmək haqqı iyulun 1-dən 10% artırılacaq".
Rusiya Prezidenti iyunun 1-dən işləməyən pensiyaçıların pensiyalarının məbləğinin 10% artırılacağını da söyləyib.
