Rusiyanın paytaxtı Moskvanın hava limanında "Ya Zamir" ("Я Замир", tərc.: Mən Zamirəm) yazılı plakat tutan Azərbaycan vətəndaşı Rusiya Silahlı Qüvvələrini nüfuzdan salma şübhəsi ilə saxlanılıb.
Senzor.az bildirir ki, bu barədə rusiyalı jurnalist Viktor Şenderoviç “Facebook” hesabında yazıb.
Məlumata görə, Rusiya hüquq-mühafizə orqanlarının əməkdaşları onun bu yazısını sülhə çağırış ("Я за мир", tərc.: "Mən sülh tərəfdarıyam") kimi başa düşdükləri üçün saxlayıblar. Saxlanılan azərbaycanlının adının Zamir olması müəyyən ediləndən sonra o, sərbəst buraxılıb.
