"Azərbaycanda dərman sənayesi ilə bağlı problemlər var. Azərbaycan və Türkiyəyə bir millət, iki dövlət deyilir. Bəlkə dərman sənayemizi də birləşdirək? Bir millət, bir dərman, İki dövlət olaq?!".
Senzor.az-ın məlumatına görə, bunu deputat Fazil Mustafa Milli Məclisin bu gün keçirilən plenar iclasında "2021-ci ilin dövlət büdcəsinin icrası haqqında" qanun layihəsinin I oxunuşda müzakirəsində deyib.
Bundan başqa o, təklif edib ki, onkoloji xəstələr icbri tibbi sığorta ilə əhatə olunsunlar: "Heç olmasa pulu olmayan vətəndaşlar icbari tibbi sığorta çərçivəsində müalicə oluna bilsin. Əhalimiz burada zülm çəkir. Hamının Türkiyədə, Almaniyada müalicə almağa pulu yoxdur. Vətəndaş qalıb burada ölür".
