Uşaqların Beynəlxalq Müdafiəsi Günündə Azərbaycan Xalq Cəbhəsi Partiyasının bir qrup qadın fəalı Milli Məclisin qarşısında aksiya keçirib.
Senzor.az Turan-a istinadən bildirir ki, etirazçılar onları deputatların yanına buraxmağı tələb edib, hökuməti uşaq müavinətlərinin təmin edilməsinə çağırıblar. 
Qadınlar təbii resurslardan əldə edilən gəlirlərin ədalətsiz bölüşdürülməsindən, hökumətin uşaqlara, xüsusilə də aztəminatlı ailələrin uşaqlarına qayğı göstərməməsindən gileyləniblər. 
Polis aksiya iştirakçılarını parlamentin binasına buraxmayıb, deputatlarla onların ofislərində görüşməyi tövsiyə edib.
