“1992-ci ildə Qarabağın işğalı ilə əlaqədar Ermənistanla sərhədləri bağladıq. Azərbaycan-Türkiyə bir araya gəldi, Qarabağ azadlığa qovuşdu. Problem Azərbaycan və Türkiyənin birliyi ilə həll olundu. Artıq şərtlər dəyişib. Bundan sonra Ermənistanla münasibətləri normallaşdırma prosesinə başladıq".
Senzor.az yerli KİV-ə istinadən bildirir ki, bunları Türkiyə Prezidentinin sözçüsü İbrahim Kalın deyib.
Kalın hazırda Ermənistanla sürətli normallaşma prosesinin yaşandığına diqqət çəkərək, mövcud problemlərin həllinə çalışdıqlarını deyib: “Hazırda Ermənistanla sürətli normallaşma prosesini yaşayırıq. Problemləri həll edərək irəli getməlisən”.
