İyulun 1-dən Ukrayna ərazisinə girən Rusiya Federasiyasının vətəndaşları üçün viza rejiminin tətbiqinə başlanılıb.
Senzor.az yerli KİV-ə istinadən bildirir ki, Ukrayna Nazirlər Kabinetinin iyunun 17-də Rusiya Federasiyasının vətəndaşlarına viza rejiminin tətbiq olunması barədə qəbul etdiyi qərar bu gündən qüvvəyə minib.
"Biz nəhayət Rusiya ilə əlaqələri kəsirik. Dövlətimizin milli təhlükəsizliyinə, suverenliyinə və ərazi bütövlüyünə misli görünməmiş təhdidlərə qarşı çıxmaq üçün hökumət Ukrayna Prezidentinin göstərişlərini yerinə yetirərək yalnız Rusiya Federasiyası ilə vizasız rejimə dair müqaviləni ləğv etdi”,-deyə Ukraynanın Baş naziri Denis Şmıqal mətbuata açıqlamasında vurğulayıb.
