Birləşmiş Ştatların istefada olan generalı Qari Voleski ABŞ-ın birinci xanımı Cil Baydenin “Tvitter”dəki paylaşımına istehzalı şərh yazdığına görə hərbi komandanlıqdakı işindən uzaqlaşdırılıb.

Bu barədə “USA Today” məlumat yayıb.

Bildirilir ki, Prezidentin xanımı öz postunda ölkə Ali Məhkəməsinin amerikalı qadınları abort hüququ ilə bağlı konstitusiya təminatından məhrum edən qərarını tənqid edib.

İraqda döyüşmüş Voleski şərhlərdə “Nəhayət qadının nə olduğunu başa düşdüyünüzə görə çox şadam” yazıb. 

Bundan sonra ABŞ ordusunun rəhbərliyi onun davranışı ilə bağlı araşdırmaya başlayıb.