Dövlət Dumasında Rusiya dövlət başçısını prezident deyil, hökmdar adlandırmaq təklif olunub.

Senzor.az yerli KİV-ə istinadən bildirir ki, bu təşəbbüslə mərhum Vladimir Jirinovskinin Rusiya Liberal Demokrat Partiyasındakı ardıcılları çıxış ediblər.

Bildirilib ki, prezident termini icra hakimiyyətinin başçısı mənasında ilk dəfə yalnız 18-ci əsrin sonlarında ABŞ-da işlədilib, daha sonra isə bütün dünyaya yayılıb.

Təşəbbüs müəlliflərinin fikrincə, "dövlət başçısı" və ya "hökmdar" sözü ruslar üçün daha qulağayatımlıdır. Bundan başqa, partiyada hesab edirlər ki, Rusiyanın ilk prezidenti Boris Yeltsinlə hazırkı dövlət başçısı Vladimir Putin iki fərqli statusa malik şəxslərdir. Belə ki, Yeltsin RSFSR Konstitusiyasına, Putin isə Rusiya Konstitusiyasına əsasən seçilib.