Rusiya Xarici İşlər Nazirliyinin sözçüsü Mariya Zaxarova Böyük Britaniya xarici işlər naziri Liz Trassı “qanasusayan və destruktiv” şəxs adlandırıb.
Bu barədə M. Zaxarova şəxsi “Teleqram” kanalında yazıb.
Rusiya XİN rəsmisi bunu Trassın Ukraynada keçirilən xüsusi əməliyyatda Moskvanın məğlubiyyətinin təmin edilməsi ilə bağlı bəyanatını şərh edərkən deyib. 
Yeri gəlmişkən, xarici işlər naziri Liz Trass dünən Böyük Britaniya Mühafizəkar Partiyanın lideri və Baş nazir vəzifələrinə namizədliyini irəli sürüb. Dərhal da bəyan edib ki, seçiləcəyi təqdirdə “ilk gündən vergiləri azaldacaq”.
