Avropa İttifaqının (Aİ) Rusiyaya qarşı tətbiq etdiyi sanksiyalar işə yarayır, lakin istənilən effekti əldə etmək üçün vaxt lazımdır.

Axar.az xəbər verir ki, bunu Aİ-nin xarici işlər və təhlükəsizlik siyasəti üzrə ali nümayəndəsi Jozep Borrell deyib.

Borrelin sözlərinə görə, Aİ sanksiyaları Rusiyada 1200-ə yaxın fiziki şəxs və 100-ə yaxın təşkilatı, həmçinin Rusiya iqtisadiyyatının əhəmiyyətli sayda sektorunu hədəf alıb: “Putin siyasi volyuntarizmin sehrli gücünə inanır. Amma bu, uzun çəkə bilməz. Hətta sanksiyalar qısamüddətli perspektivdə Rusiyanın hərəkətlərinin trayektoriyasını dəyişdirməsə belə, bu o demək deyil ki, onlar işə yaramır. Sanksiyalarsız Rusiya öz piroqunu alar və onu yeyərdi. Məhz sanksiya nəticəsində o, yağ və silah arasında seçim etmək məcburiyyətində qalıb”, - Borrell bildirib.