Türkiyə Prezidenti Rəcəb Tayyib Ərdoğan Böyük Britaniyanın Baş naziri Boris Conson ilə telefon danışığı aparıb.
Senzor.az bildirir ki, bu barədə Türkiyə Prezident Administrasiyası yanında Əlaqələr Bürosundan məlumat verilib.
Məlumata görə, Türkiyə və Böyük Britaniya liderləri ikitərəfli münasibətləri və regional məsələləri müzakirə ediblər.
Söhbət zamanı Ərdoğan Boris Conson ilə işlədiyi müddətdə yaxın dialoq qurduqlarını və iki ölkə arasında qarşılıqlı hörmət və anlayışa əsaslanan münasibətləri inkişaf etdirməyə davam etdiklərini vurğulayıb.
R.T.Ərdoğan Türkiyənin strateji tərəfdaşı və yaxın müttəfiqi olan Böyük Britaniya ilə münasibətlərin qarşıdakı dövrdə də eyni sağlam düşüncə və uzaqgörənliklə daha da dərinləşəcəyinə və inkişaf edəcəyinə əminliyini bildirib.
