Ağdamın “Qarabağ” klubu UEFA Avropa Liqasının qrup mərhələsində ilk oyununu keçirib.
Senzor.az bildirir ki, Ağdam təmsilçisi Almaniyada, “Europa-Park” stadionunda “Frayburq”un qonağı olub.
Matç Almaniya klubunun 2:1 hesablı qələbəsi ilə yekunlaşıb.
Qarşılaşmada “Qarabağ”ın heyətində Marko Veşoviç fərqlənib. “Frayburq”un qollarını isə Vinçentso Qrifo və Ritsu Doan vurublar.
G qrupunun digər matçında Yunanıstan "Olimpiakos"u Fransada "Nant"a 1:2 hesabı ilə uduzub.
"Qarabağ" sentyabrın 15-də II turda "Nant"ı qəbul edəcək, "Frayburq" isə "Olimpiakos"un qonağı olacaq.
**10:34(08.09.2022)
“Qarabağ” klubu bu gün UEFA Avropa Liqasının qrup mərhələsində ilk oyununu keçirəcək.
Senzor.az bildirir ki, Ağdam təmsilçisi səfərdə Almaniyanın “Frayburq” komandasının qonağı olacaq.
“Europa-Park” stadionunda oynanılacaq qarşılaşma Bakı vaxtı ilə saat 23:00-da başlayacaq.
Görüşü belçikalı baş hakim Erik Lambrexts idarə edəcək.
Beləliklə, Azərbaycan çempionu ardıcıl 9-cu dəfə avrokubokların qrup mərhələsində mübarizəyə başlayacaq.
G qrupunun digər oyununda "Nant" Fransada Yunanıstan "Olimpiakos"unu qəbul edəcək.
