Ermənistan parlamentinin sədri Alen Simonyan ölkəsinin silahlı qüvvələrinin Azərbaycanla sərhəddəki hərbi toqquşmalarda itki verdiyini etiraf edib.

“Sputnik Armeniya” xəbər verir ki, o, bu barədə sentyabrın 13-də parlamentin iclasında bildirib.

A.Simonyanın sözlərinə görə, sentyabrın 13-də Azərbaycanla Ermənistan sərhədində baş verən atışma nəticəsində erməni tərəfdən ölənlər və yaralananlar var.

Ermənistan parlamenti Azərbaycanla sərhəddə baş verən silahlı toqquşma ilə bağlı toplanıb. Lakin qanunverici orqanda təmsil olunan fraksiyalar vahid sənəd qəbul etmək məsələsində razılığa gələ bilməyiblər. Sənədi razılaşdırmaq üçün parlamentin toplantısında fasilə elan olunub.