"Tacikistan-Qırğızıstan sərhədində toqquşmalarla bağlı xəbərlərdən narahatıq".

Senzor.az yerli KİV-ə istinadən bildirir ki, bunu barədə ABŞ Dövlət Departamentinin sözçüsü Ned Prays deyib.

"Mülki əhalinin həyatı təhlükə altındadır və zərərçəkənlərə başsağlığımızı bildiririk. Biz hər iki tərəfi atəşkəsə hörmət etməyə və diplomatiya yolu ilə sakitliyi bərqərar etmək üçün səyləri artırmağa çağırırıq", - Prays vurğulayıb.

Qeyd edək ki, sentyabrın 14-də Tacikistan-Qırğızıstan sərhədində iki ölkənin hərbçiləri arasında növbəti silahlı qarşıdurma başlayıb. Hər iki tərəf bir-birini münaqişənin başlamasında, ağır hərbi texnika və silahlardan istifadə etməkdə ittiham edir.

Qırğızıstan tərəfi 37 nəfərin öldüyü badədə yeni açıqlama yayıb. Yaralananların sayı isə 129-a çatıb.

Bundan başqa, Batken və Oş vilayətlərinin bir sıra yaşayış məntəqələrinin sakinləri nəzərə alınmaqla, 142 minə yaxın insan təxliyə edilib.