İranda İslam İnqilabı Keşikçiləri Korpusunun (SEPAH) polkovniki Mohsen Dalvənd öldürülüb.

Senzor.az yerli KİV-ə istinadən bildirir ki, təcrübəli zabit etirazçılar tərəfindən qətlə yetirilib. 

Məlumata görə, hadisə Mohsen Dalvənd Sərdəşt şəhərində baş verib. Polkovnik bir neçə güllə yarası alıb və yerindəcə keçinib. 

İnsident zamanı onun 4 cangüdəni də yaralanıb. 

Qeyd edək ki, ötən həftə İranda “Əxlaq polisi” tərəfindən hicab bəhanəsilə 22 yaşlı Məhsa Əmininin qətlə yetirilməsindən qəzəblənən xalq küçələrə axışaraq hökumət əleyhinə aksiyalar keçirir.  Nümayişlər zamanı polislər tərəfindən 80-ə yaxın dinc etirazçı öldürülüb.