Türkiyənin milli müdafiə naziri Hulusi Akar NATO-nun Baş katibi Yens Stoltenberq ilə görüşüb.
Senzor.az yerli KİV-ə istinadən bildirir ki, bu barədə Türkiyə Milli Müdafiə Nazirliyi məlumat yayıb.
Görüş Belçikanın paytaxtı Brüsseldə “Ukraynanın Müdafiəsi Təmas Qrupunun iclası” çərçivəsində baş tutub.
Regional təhlükəsizlik məsələlərinin müzakirə edildiyi görüşdə tərəflər aktual məsələlər ətrafında fikir mübadiləsi aparıblar.
Hulusi Akar Türkiyənin NATO çərçivəsində üzərinə düşən öhdəlikləri hər zaman yerinə yetirdiyini və bundan sonra da yerinə yetirəcəyini vurğulayıb.
Stoltenberq öz növbəsində Türkiyənin NATO-nun mühüm müttəfiqi olduğunu qeyd edib və Ukrayna ilə Rusiya arasında taxıl dəhlizinin açılmasında və əsirlərin mübadiləsində fəal rol oynadığına görə Türkiyəyə təşəkkür edib.
Senzor.az
