Ermənistan Təhlükəsizlik Şurasının katibi Armen Qriqoryan Avropa İttifaqının (Aİ) texniki qiymətləndirmə missiyasının nümayəndələri ilə görüşüb.
Senzor.az yerli KİV-ə istinadən bildirir ki, bu barədə Ermənistan Təhlükəsizlik Şurasının mətbuat xidməti məlumat yayıb.
“Armen Qriqoryan qiymətləndirmə missiyasının nümayəndələrinin səfərini alqışlayıb. Təhlükəsizlik Şurasının katibi İrəvanın onu bütün məsələlərdə dəstəkləməyə hazır olduğunu təsdiqləyib. Tərəflər Aİ missiyasının rolu və funksiyası ilə bağlı bir sıra məsələləri müzakirə ediblər”, - məlumatda qeyd olunub.
Qeyd edək ki, bundan əvvəl Aİ-nin Cənubi Qafqaz və Gürcüstandakı böhran üzrə xüsusi nümayəndəsi Toivo Klaar oktyabrın 14-də Aİ-nin qabaqcıl müşahidəçi qrupunun Ermənistana gələcəyini bildirmişdi.
