Türkiyə Prezidenti Rəcəb Tayyib Ərdoğanla Ukrayna Prezidenti Volodimir Zelenski arasında telefon danışığı olub.

“Haber Global” Türkiyə Prezidenti Administrasiyasına istinadən bildirir ki, söhbət zamanı Rusiya-Ukrayna müharibəsindəki son vəziyyət müzakirə edilib.

Prezident Ərdoğan diplomatik həll variantının hər şəraitdə aktual olaraq qaldığını vurğulayaraq, müharibənin danışıqlar yolu ilə sona çatması üçün hər cür töhfə verməyə hazır olduqlarını bildirib.

Türkiyə lideri Bartında baş verən mədən partlayışı ilə bağlı başsağlığına görə Ukrayna Prezidentinə təşəkkür edib.