Türkiyə Prezidenti Rəcəb Tayyib Ərdoğan Azərbaycanda qəzaya düşən AKP-nin sədr müavini Binəli Yıldırımı və partiyanın istanbullu deputatı Şamil Ayrımı xəstəxanada ziyarət edib.
Senzor.az yerli KİV-ə istinadən bildirir ki, Türkiyə dövlət başçısını səhiyyə naziri Fahrettin Koca və digər rəsmi şəxslər müşayiət edib.
Qeyd edək ki, Rəcəb Tayyib Ərdoğanı Azərbaycana səfərində müşayiət edən Binəli Yıldırım və Şamil Ayrımın olduqları avtomobil dünən Zəngilan hava limanına gedərkən qəzaya uğrayıb. Yıldırım və Ayrım qəza zamanı nəzarət məqsədi ilə sağlamlıq qruplarının müşayiəti ilə helikopterlə paytaxt Bakıdakı xəstəxanaya aparılıblar. Azərbaycan Prezidenti İlham Əliyev Binəli Yıldırım və Şamil Ayrıma müalicə olunduqları xəstəxanada baş çəkib.
Daha sonra Binəli Yıldırım təcili yardım təyyarəsi ilə İstanbula aparılıb. Hazırda hər ikisi Çam və Sakura xəstəxanalarında müalicə alır.
