Ermənistan ordusunun Rusiyadan xeyli silah almasına ehtiyacı var. 

Bunu parlamentdə brifinq zamanı “Şərəfim var” fraksiyasının katibi Tiqran Abramyan deyib.

"Hindistanın Ermənistan Respublikasına siyasi dəstəyini və bu ölkədən silah alınmasını yüksək qiymətləndirirəm. Lakin bu, heç bir halda Rusiyadan silah çatdırılmalarına mane olmamalıdır və ya məlum proses kəsilməməlidir. Mövzuya Ermənistanın təhlükəsizliyi nöqteyi-nəzərindən yanaşsaq, o zaman bizim infrastruktur və imkanlarımız Rusiyadan da əhəmiyyətli alışlar tələb edir”, - deyə Abrahamyan qeyd edib.

O fikirlərinə onu da əlavə edib ki, Ermənistan ordusu üçün prioritet silah sistemləri yalnız Moskvadan alınmalıdır.

Son 4 ildə baş verən hadisələr göstərdi ki, Ermənistan hakimiyyəti maliyyə imkanları olsa belə, silah alışı baxımından səmərəli fəaliyyət göstərməyib.

Abrahamyanın sözlərinə görə, ən vacib suala cavab hələ də müəyyən edilməyib - Ermənistana hansı ordu lazımdır?