Ermənistanın baş naziri Nikol Paşinyan Soçidə keçirilən görüşdə Rusiya sülhməramlılarının heç bir şərt olmadan Dağlıq Qarabağda qalma müddətinin 10-20 il uzadılması ilə bağlı sənəd imzalamağa hazır olduğunu bildirib.

Senzor.az yerli KİV-ə istinadən bildirir ki, Paşinyan bunu “Vətəndaş Müqaviləsi” Partiyasının VI qurultayında deyib.

Bununla belə, Paşinyan qeyd edib ki, bu barədə təkbaşına qərar qəbul edə bilməz, çünki qərar qəbuletmə formatı üçtərəflidir.

Xatırladaq ki, oktyabrın 31-i Soçidə Azərbaycan, Rusiya və Ermənistan liderlərinin üçtərəfli görüşü keçiriləcək.