İranın xarici işlər naziri Hüseyn Əmir Abdullahian ABŞ Prezidenti Co Baydeni ikiüzlü davranışına və İŞİD terror qruplaşmasına dəstəyinə son qoymağa çağırıb.
Senzor.az yerli KİV-ə istinadən bildirir ki, İranın xarici işlər naziri öz Twitter səhifəsində yazıb: "Cənab Bayden, ikiüzlü davranışınızı və terror qruplaşması İŞİD-ə dəstəyinizi dayandırın".
“İrandakı son iğtişaşlar zamanı zorakılığı və terroru getdikcə daha çox təbliğ edən Ağ Ev, eyni zamanda Tehranla nüvə razılaşmasına nail olmağa çalışır”, - deyə XİN rəhbəri vurğulayıb.
Xatırladaq ki, noyabrın 3-də Kaliforniyada çıxış edən Prezident Co Bayden nə demək istədiyini izah etmədən “Narahat olmayın, biz İranı azad edəcəyik" deyib.
