Ukrayna hərbçiləri Luqansk vilayətinin Svatovski rayonunda Voronej vilayətindən səfərbər edilmiş ruslardan ibarət batalyonu məhv ediblər.

Senzor.az yerli KİV-ə istinadən bildirir ki, sağ qalan əsgərin dediyinə görə, yüzlərlə rus hərbçisi öldürülüb.

Onun sözlərindən məlum olur ki, səfərbər olunanlar 2079-cu hərbi hissədə təlim keçiblər. Batalyon komandiri əsgərlərə söz veribmiş ki, onları Svatovo vilayətinə aparacaqlar və orada onlar “ərazi müdafiəsi” adlanan yerdə xidmət edəcəklər. Lakin noyabrın 2-nə keçən gecə bütün batalyon təmas xəttinə aparılıb və Ukrayna həbçilərinin müxtəlif silahlardan açdıqları fasiləsiz “atəş yağışı” altına düşüb: “570 nəfərdən 29-u salamatdır, 12 nəfər yaralanıb, qalan hamı ölüb”.

O, həmçinin qeyd edib ki, onların batalyonunun atəşə məruz qaldığı Luqansk vilayətinin bu ərazisində ən azı daha bir tabor dağıdılıb: “Televiziyada hər şeyin gözəl olduğunu göstərirlər, ancaq əslində burada - Luqansk vilayətində cəbhəyə məhz səfərbər olanları atırlar və biz artıq geriyə qayıdanda da gördük ki, müqaviləli hərbçilər və könüllülər yalnız üçüncü xətdə oturublar, ön cəbhədə isə səfərbər olunanlar idi”.