Futbol üzrə Azərbaycan milli komandası beynəlxalq yoldaşlıq oyununda qələbə qazanıb.
Senzor.az xatırladır ki, 2024-cü il Avropa çempionatının seçmə mərhələsinə hazırlıq xarakteri daşıyan matçda millimizin rəqibi Moldova yığması olub.
Kişineudakı “Zimbru” stadionunda oynanılan və ukraynalı FIFA referisi Denis Şurmanın idarə etdiyi matçda Azərbaycan millisi 2:1 hesabı ilə qalib gəlib. Yığmamızın heyətində 28-ci dəqiqədə Emin Mahmudov, 42-ci dəqiqədə isə Aleksey İsayev fərqləniblər. Rəqib komandanın qolunu Nikita Motspan vurub.
Bu, komandalar arasında sayca 12-ci oyun olub. Əvvəlki 11 görüşün 2-də Azərbaycan, 4-də Moldova qələbə qazanıb. Beş matçda isə qalib müəyyənləşməyib.
Onu da qeyd edək ki, Azərbaycan millisi noyabrın 20-də Şimali Makedoniyanın qonağı olacaq.
