"Böyük Britaniya Ukraynanı sona qədər dəstəkləyəcək".
Senzor.az xəbər verir ki, bu barədə Böyük Britaniyanın yeni Baş naziri Rişi Sunak Kiyevdə Ukrayna Prezidenti Volodimir Zelenski ilə görüşündən sonra tviterdə bildirib.
Tviterdə Sunakın Kiyevdəki Marinski sarayına gəlişini əks etdirən videoda deyilir: "Britaniya azadlıq uğrunda mübarizənin nə demək olduğunu bilir. Biz sona qədər sizinləyik".
Baş nazir deyib ki, Britaniya Ukraynaya hava hücumundan müdafiəni gücləndirmək üçün 125 zenit silahı və xüsusi avadanlıq verəcək.
**18:21
Böyük Britaniyanın Baş naziri Rişi Sunak Ukraynaya səfər edib.
Kiyevə sürpriz səfəri çərçivəsində Baş nazir Sunak Ukrayna Prezidenti Vladimir Zelenski ilə təkbətək və geniştərkibli görüşlər keçirib.
“Müharibənin ilk günlərindən Ukrayna və Böyük Britaniya ən güclü müttəfiqlər olub. Biz həm ölkələrimiz, həm də qlobal təhlükəsizlik üçün ən vacib məsələləri müzakirə etdik”, Zelenski bildirib.
