Noyabrın 20-də terror təşkilatı YPG/PKK-nın üzvləri Suriyanın şimalından Türkiyə ərazisinə raket atıblar.
Senzor.az yerli KİV-ə istinadən bildirir ki, raket Öncüpınar Sərhəd Qapısı ərazisinə düşüb.
Bölgəyə çoxlu sayda təcili yardım və təhlükəsizlik qüvvələri göndərilib.
Daxili İşlər Nazirliyinin açıqlamasına görə, terror aktında 1-i komissar, 6-sı polis olmaqla 8 təhlükəsizlik işçisi yaralanıb.
Həmin hadisədən bir neçə saat sonra terror təşkilatı Türkiyənin daha bir ərazisinə raket hücumu edib.
Bu dəfə hədəf Qaziantep şəhərinin Karkamış rayonu olub. Sözügedən əraziyə 4 raket atılıb, lakin mərmilər boş əraziyə düşüb.
Hazırda raketin düşdüyü ərazidə incələmə işləri aparılır.
