Azərbaycan Xarici İşlər Nazirliyi (XİN) İsraildə baş verən partlayışla bağlı başsağlığı verib.
Senzor.az-ın məlumatına görə, bu barədə bu gün Azərbaycan XİN "Twitter"də paylaşım edib.
“Həlak olanın yaxınlarına başsağlığı verir və yaralananlara tezliklə şəfa diləyirik. Azərbaycan terrorizmin bütün forma və təzahürlərini qəti şəkildə pisləyir”, - paylaşımda bildirilib.
Xatırladaq ki, İsrailin Qüds şəhərində avtobus dayanacaqları yaxınlığında törədilmiş partlayışlar nəticəsində ümumilikdə 18 nəfər yaralanıb, bir nəfər həlak olub.
