Azərbaycan xarici işlər naziri Ceyhun Bayramov Rusiyaya işgüzar səfərə yola düşüb.
Bu barədə Senzor.az-a Azərbaycan Xarici İşlər Nazirliyindən məlumat verilib.
Səfər çərçivəsində nazir Ceyhun Bayramovun Rusiyanın xarici işlər naziri Sergey Lavrov ilə görüşünün keçirilməsi və ikitərəfli tədbirlərdə iştirakı nəzərdə tutulur.
**15:47
Dekabrın 5-də Azərbaycanın xarici işlər naziri Ceyhun Bayramov Rusiya Federasiyasına işgüzar səfər edəcək.
Senzor.az bildirir ki, bu gün Rusiya Xarici İşlər Nazirliyinin mətbuat üçün yaydığı açıqlamasında belə deyilir.
Məlumata əsasən, səfər çərçivəsində C.Bayramovun rusiyalı həmkarı Sergey Lavrovla görüşü nəzərdə tutulub.
"Görüşdə ikitərəfli əməkdaşlığın vəziyyəti və perspektivlərinin müzakirəsi, həmçinin regional və beynəlxalq gündəliyin ən aktual aspektləri, o cümlədən Azərbaycan-Ermənistan münasibətlərinin normallaşdırılması məsələləri üzrə fikir mübadiləsinin aparılması planlaşdırılır", - deyə açıqlamada vurğulanıb.
Rusiya XİN Azərbaycan xarici işlər nazirinin qarşıdakı səfərini Rusiya-Azərbaycan siyasi dialoqunun davam etdirilməsi və qarşılıqlı faydalı əməkdaşlığın daha da genişləndirilməsi kontekstində nəzərdən keçirir.
