Londonda “Downing Street” qarşısında Cənubi azərbaycanlılara dəstək aksiyası keçirilib.
APA-nın xəbərinə görə, Londonda yaşayan Cənubi azərbaycanlılar öz səslərini duyurmaq üçün Baş nazirin iqamətgahı olan “10 Downing Street” qarşısında toplaşıblar.
Aksiya iştirakçıları Cənubi azərbaycanlılara qarşı ədalətsizlik, təhsil ilə bağlı olan problemlər, insan haqları kimi məsələlərə diqqət çəkiblər.
Cənubi Azərbaycan İstiqlal Partiyasının Londondakı nümayəndəsi və Cənubi Azərbaycanlıların Koordinasiya Şurasının sədri Savaş Mərəndli aksiya ilə İrandakı ayrı-seçkiliyə, qadınların, İranda xalqların, etnik qrupların hüquqlarının tapdanmasına diqqət çəkmək istədiklərini bildirib. Savaş Mərəndli həmçinin Urmiya gölünün qurumasının qarşısının alınmasını tələb etdiklərini vurğulayıb.
