Ermənistan parlamentinin deputatı Artsvik Minasyan Azərbaycanda müvəqqəti fəaliyyət göstərən Rusiya sülhməramlı kontingentinin fəaliyyətini tənqid edib.

AzVision.az xəbər verir ki, "Hayastan" fraksiyasından olan Minasyan Milli Assambleyada jurnalistlərlə söhbəti zamanı rus hərbçiləri azərbaycanlı mülki şəxslərə qarşı sərt addımlar atmağa çağırıb: 

“Mən Rusiya sülhməramlılarının davranışlarını məqbul saymıram. Daha sərt tədbirlər görülməlidir. Deyirlər ki, bizim belə bir mandatımız yoxdur və s. Lakin onların belə hüquqları var və bu, fundamental insan hüquqlarının təmin edilməsi imperativindən irəli gəlir. Rusiya da Minsk Qrupundakı digər BMT Təhlükəsizlik Şurasının üzvü olan ölkələr kimi bu mandata malikdir. Eləcə də onlar 9 noyabr 2020-ci il bəyanatının təminatçılarından biri kimi buna malikdirlər. Ermənistan Rusiyanı günahlandırmamalı, beynəlxalq ictimaiyyətdən təkcə bəyanatlar deyil, sərt tədbirlər tələb etməlidir. Avropa İttifaqının müşahidəçiləri ölkəmizə gəldilər baxdılar və indi gedirlər? Onlar nə etdilər axı?".