Ukraynada müharibə başlayandan indiyədək Rusiya Silahlı Qüvvələrinin 100 mindən çox şəxsi heyəti məhv edilib.
Senzor.az yerli KİV-ə istinadən bildirir ki, Ukrayna Silahlı Qüvvələri Baş Qərargahının yaydığı son məlumatda belə deyilir.
Bundan başqa, Rusiya ordusu 3000-dən çox tank, 6000-ə yaxın zirehli texnika itirib.
Məlumata görə, Ukrayna ordusu son sutkada Rusiya qüvvələrinin Donetsk və Luqansk vilayələtləri istiqamətində 16 yaşayış məntəqəsinə hücumunu dəf edib.
Ötən sutka Rusiya ordusu Zaporojye vilayətinin mülki obyektləri də daxil olmaqla Ukrayna ərazisinə 6 raket və 15 aviazərbə endirib.
Xatırladaq ki, Rusiya Silahlı Qüvvələri 2022-ci il fevralın 24-də “xüsusi əməliyyat” adı altında Ukraynaya qarşı müharibəyə başlayıb.
