Rusiya Prezidenti Vladimir Putin biznesmen Ruben Vardanyanın Rusiya Federasiyası vətəndaşlığından çıxarılması ilə bağlı müraciətini təsdiq edib.
Bu barədə TASS məlumat yayıb.
Qeyd edək ki, Ruben Vardanyan bir müddət əvvəl Qarabağdakı separatçıların qanunsuz hökumətində baş nazir postuna uyğun olan “dövlət naziri” vəzifəsinə təyin edilib. O, Rusiya vətəndaşlığından imtina etsə də, bu ölkədəki biznesini və aktivlərini saxlayıb. R.Vardanyan 2022-ci ildə Qərbin sanksiyalarından gizlənərək Qarabağda qeyri-qanuni qızıl hasilatı və ixracı ilə məşğul olmağa başlayıb. Bu gün Laçın-Şuşa yolundakı aksiyanın da, ümumi gərginliyin də günahkarı Ruben Vardanyandır.
