Türkiyənin Milliyyətçi Hərəkat Partiyasının (MHP) sədri Dövlət Baxçalı Azərbaycanın Vətən müharibəsi qazilərinin bir qrupu ilə görüşüb.
Senzor.az yerli KİV-ə istinadən bildirir ki, bu barədə partiyanın sədr müavini, Türkiyə parlamentinin deputatı Kamil Aydın özünün Twitter səhifəsində məlumat yayıb.
O qeyd edib ki, görüş zamanı D.Baxçalı qazilərimizə MHP-nin rəmzi olan "Boz qurd" döş nişanı təqdim edib: “Qarabağda 30 illik erməni işğalını 44 gündə başa vuran azərbaycanlı qazilərimizi rəhbərimizin himayəsi ilə qərargahımızda qonaq etdik. Boz qurd ürəkli qazilərimizə qızılı “Boz qurd” döş nişanı verən liderimizə veteranlarımız adından minnətdarlığımı bildirirəm”.
