Türkiyə Prezidenti Rəcəb Tayyib Ərdoğan zəlzələ zamanı yaralanan şəxslərə baş çəkib.
Bu barədə "Anadolu" agentliyi məlumat yayıb.
Bildirilib ki, Prezident və xanımı Əminə Ərdoğan Başakşehir Çam və Sakura Şəhər Xəstəxanasında müalicə alan vətəndaşları ziyarət ediblər.
Yaralılara şəfa diləyən Türkiyə lideri onların səhhəti ilə bağlı həkimlərdən məlumat alıb.
Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ qeydə alınıb. Son məlumata əsasən, zəlzələ nəticəsində 31 643 nəfər həyatını itirib.
