Ermənistanın baş naziri Nikol Paşinyan ABŞ-ın yeni təyin olunmuş səfiri Kristina Kvini qəbul edib.
Senzor.az “Sputnik Armeniya”ya istinadən xəbər verir ki, baş nazir səfiri təyinatı münasibətilə təbrik edib və onun diplomatik missiyasının Ermənistan-Amerika əlaqələrinin inkişafına kömək edəcəyinə ümid etdiyini bildirib.
Paşinyan ABŞ-ın Ermənistanda aparılan islahatlara dəstəyinin vacibliyini qeyd edib.
Səfir qəbula görə təşəkkür edib və ikitərəfli münasibətlərin gündəliyinin inkişafı üçün səylərini əsirgəməyəcəyinə əmin edib. Diplomat Ermənistanın hakimiyyət orqanları ilə sıx əməkdaşlığın vacibliyini qeyd edərək, Amerika tərəfinin respublikada islahatları təşviq etməyə hazır olduğunu vurğulayıb.
Görüşdə regiondakı vəziyyət, Ermənistan-Türkiyə münasibətlərinin normallaşması və s. məsələlər də müzakirə olunub.
Senzor.az
