MDB Xarici İşlər Nazirləri Şurasının Minsk şəhərində keçirilən iclasında iştirakı çərçivəsində Rusiyanın xarici işlər naziri Sergey Lavrov erməni həmkarı Ararat Mirzoyanla görüşüb.
Senzor.az bildirir ki, bu barədə erməni KİV-i məlumat yayıb.
"Bu yaxınlarda sizinlə Moskvada ətraflı danışdıq, amma bu gün ikitərəfli və əlbəttə ki, bölgənin bəzi əlavə məsələlərini nəzərdən keçirə bilərik. Qarabağ həmişə diqqətimizdə olmalıdır", - Lavrov deyib.
Xatırladaq ki, Rusiyanın XİN rəhbəri daha əvvəl azərbaycanlı həmkarı Ceyhun Bayramovla görüşüb.
Bu gün həmçinin, Minskdə Rusiya, Azərbaycan və Ermənistan xarici işlər nazirlərinin üçtərəfli görüşü gözlənilir.
