Oktyabrın 21-də UEFA Konfrans Liqasının qrup mərhələsinin üçüncü turunda “Qarabağ” doğma meydanda “Kayrat”ı qəbul edib.Senzor.az bildirir ki, Tofiq Bəhramov adına Respublika Stadionunda ukraynalı FIFA referisi Yevgeni Aranovskinin idarə etdiyi oyunda hesabı "Kayrat" açıb. Qonaq klubun qolunu 19-cu dəqiqədə 11 metrlik cərimə zərbəsindən Jose Kante vurub. Matçın 79-cu dəqiqəsində Ramil Şeydayev hesabı bərabərləşdirməyə nail olub. Görüşün 90+1-ci dəqiqəsində Abbas Hüseynov komandasının ikinci qolunu vuraraq "Qarabağ"ı hesabda irəli çıxarıb.
Beləliklə, "Qarabağ" öz meydanında əzmkarlıq göstərərək "Kayrat"ı 2:1 hesabı ilə məğlub edib.
Beləliklə, "Qarabağ" xallarının sayını 7-yə çatdırıb, "Kayrat"ın isə 1 xalı var.
Qeyd edək ki, H qrupunun digər oyununda Kipr "Omoniya"sı İsveçrədə "Bazel"in qonağıdır. Matçı Bakı vaxtı ilə saat 23:00-da start götürüb.
Xatırladaq ki, “Qarabağ” klubu birinci turda “Bazel” ilə heç-heçə oynayıb – 0:0. İkinci turda isə Qurban Qurbanovun yetirmələri Kiprdə “Omoniya” klubunu 4:1 hesabı ilə darmadağın ediblər.
